يقولون لا طال الجفا بالحبيب إنساه

صباااح\ مسااااء الخييير
كيفكمـ حبااايب قلبي
هذا شعر لحمد السعيد
اتمنى يعجبكمــ

يقولون لا طال الجفا بالحبيب إنساه
وأنا وين ابنسى صاحبن ما تناساني

تغربت بالدنيا و هو ما بخل بخطاه
يسوق القدم في يمتي لين يلقاني

ألا يا بعد من ينقش الكف في حناه
إذا مل من خل لقاء صاحبن ثاني

وألا يا بعد منهو حضوره مثل فرقاه
حشا ما شغل فكري ولا حرك اشجاني

ألا يا بعد قصر( ... )ومن سكن بحماه
بكيفي حبيبي اللي فديته ويفداني

يقولون ولا مايقولون عن لاماه
أحبه كثر ماهو بفرقاه عناني

وأحبه كثر ما ينفعل بالزعل ورضاه
وأحبه كثر ماهو بقلبه تمناني

ابو مبسم كن الجمر مولعن بشفاه
وابو ناعسن كنه عن الحب ينخاني

من عيونه السود افهمه سيدي واقراه
ومن عيوني الحمر المعناة يقراني

ألا يا وجودي وجد من صاحبه ناداه
زما دونه الموج ويبي عمره الثاني

على اللي ولو طال الجفا مستحيل أنساه
الا يا بعد هالناس الأقصين والداني