سمعيني يابنّه كل شايب

السلام عليكم

يسعد صباحكم مع مساكم بكل خير

الجديد عسى الله يكتب لنا الاجر ...

مــن ســـوالف ســامـجــه لله تايــب

تايـــب وتارك ســـواليـفـن سخيـفـه

اسمعينـــي يابـنّــيـه كــل شــايـب

بنصحك عن صاحب النفس الضعيفه

لا يغــــرك من يســمـيـكــم حـبـايب

ويتـلـطــف بالعــبــارات اللــطـــيـفـه

لاتجـــرّك بالهــــوى همسات خايــب

الوليـــف الـيـــوم ما يـامـن ولــيــفـه

العــواصــف يـسـبـقـه حـلـو الهبايب

والـهـبــايـــب بـعــدهــا حـالـه كـسيفه

يـنـبـذك من بعــدها كــل القـــرايـب

والفضـــايــح جـرحـهـا يبطـي نـزيـفه

الهـــوى كـلـه متـاهـــات ومـصـــايب

والنـــوايا بالهـــوى ماهــي شـريـفـه

النــدم كــل النــدم تـحـت النـصـــايب

كــان مـارحــتـــي الى ربــك عـفـيـفـه

النصــيــحــه يابـنّـــيــه كـــل شــايــب

ابــعــدي مـادامــت عـــروقك نـظـيــفه

وسلامتكم

بقلم / ماجد الشمري