أثر الجمال إليا طغى بالبنت..هز أطلق شنب

؛؛مدخل؛؛
دمـعـة غــلا مــاحـدره غــيـــر لــقـــيـــاك
مــيــر المــصــيـبـه عن عـيـونـي بـعـيـده

لاشــك قــلـــبـي عــذبـه طــرد لامــاك
شوفك صعب وظروفك أصلا عنيده






((أسرار العتب))

هذي بدون مجامله مايشبهك كود القمر
هذا الصحيح إن كانها بالطيب وألا بالغصب
أقولها يشهد علي الليل لاطال السهر
وأفكار بالي حايره والسبه أسرار العتب
أسري وأطري مامضى تنتابني نوبة قهر
ياقلبي أقبلها كذا لاصار تاليها غضب
نسبة غلانا وقتها لامن تخاصمنا صفر
وأن عدت الساعه ثواني أنطفى جمر الحطب
أسلا وأراجع ماحصل وأمسح من جروحي عشر
وأقول ياليل التجافي أحتزم بي وأحتسب
وإليا رضت عقب الزعل حفرت للسبه قبر
وأركز نصايبها فرح ماكن للماضي سبب
ماعاد يبحث خاطري عقب الطواري له جبر
دام الحبيبه راضيه حبي على جرحي غلب
هذا الهوى ملعون أبو يخلف قوانين البشر
محد يطبه ثم عتق من دون مايشكي عطب
يسري عليه الليل وأن عسعس تعذب ماصبر
الطيف مره وأختفى مدري سكن تحت الهدب
عزاه ياحال الهواوي لاوصل نص الشهر
تحكي له القمرا ويروى والحقيقه ماشرب
ليه الدروب اللي مشيته مابها مجرى نهر
ليه الظلام اللي كسى جوي...ليالي ماجلب
أتعبتني ياخافقي يكفي مسارينا...خطر
قل للحبيبه أسمعي آخر قصيده بك كتب:
لا لا يهمك وأن تمالوا فيك قولي ياعمر
أثر الجمال إليا طغى بالبنت...(هز أطلق شنب)








؛؛خروج؛؛
ضليت أسامرها قبل يطفي الشمع
خـوفـي تـروح أحـلامـنا مستهمله

قامت محاجر عينها تذرف الدمع
وأحـتـار قـلـب بالـحـنايـا شـعم له


بقلمي
عمر الشمري