سود الوجيه !!

ما ماتت الآحلام يا سود الآيام
للحين شمَخ فالحياة اشرعتها
آحلام مشروعة ولاهيب باوهام
لو كان توَ الروح ما حقَقتها
روحٍ طموح وعزَها الله بالاسلام
هازت علوَ النايفة واصعدتها
رغم الجروح اللي لها خمسة اعوام
لا ناحت اطيور الصباح ارهجتها
والصبر طب القلب ومسكَن الاآم
لا ضاعت آحلام العمر واقتلتها
دنياٍ تدور وصفوها ما عمر دام
ما ينومن طبع القسا من جهتها
امصحية باهوالها كل من نام
كم عين من حلو المنام احرمتها
متقلَبة // والعمر من عام لا عام
ينقص وتقرب للنَفوس آخرتها
والنَاس في غفلة : رعايا وحكَام
توميلها دنيا الوهم واطردتها
دخلبها الشيطان مع باب الاثام
لين اعتلت سود الوجيه اغبرتها
والفالح اللي للهدى حثَ الاقدام
ما عمره إلدرب المهونة عفتها
امجمَل الخطوة : (مصلَي وصوَام )
جوف البيوت اللي علا باروقتها
صوت الهدى والحق // والوعد قدَام
لا داهمت روح الفتى غرغرتها
ما فيه فارق بين سيَد وخدَام
الفرق مابين النَفوس احسنتها
ونهار عرض اذنوبنا عرض الافلام
ما تنفع اركان البنوك ارصدتها
قلته وانا طالبك يارب الانام
تحسن لروح ٍ مرهقة خاتمتها


صعوط المجانين